Tolosako inauterietan zuzenean egongo da ETB gaur eta asteartean

Euskal Telebistako lehen kateak Tolosako inauteriei arreta berezia eskainiko die aurten ere. Gaur eta asteartean egongo dira bertatik berri ematen.

Gaur, ekitaldi nagusia eskainiko du zuzenean eguerdiko 12:45etik aurrera. ETB-1eko kamerek herri honetako kaleak zeharkatuko dituen desfilea jarraituko dute gertu-gertutik, Imanol Artolak gidatutako saio berezian. Gainera, Zaldunita egunean kalean jazotako guztia kontatzen Maite Eskarmendi eta Iñigo Asensio arituko dira. Desfilean esku hartuko duen kaleko jendearekin eta pertsonaia nagusiekin mintzatuko dira haien iritziak biltzeko.

Tolosako Asteartitako zezenak ere emango ditu ETB-1ek. Kasu honetan, Iñigo Asensio eta Jokin Rodiguez arituko dira berri ematen. Elkarrizketak, berriz, Maite Eskarmendik egingo ditu. 16:00etan, zezen plazan sartu aurreko giro guztia eta bertako zezen jaialdia emango da. Plazan, txarangak arituko dira ikuskizuna alaitzen.