telebista
Gaur
'Kontuz, Atsuak!', San Valentin eguneko maiteminduen kontuetan
A.H.
EITB
Maikruxek Carlos Garaikoetxea lehendakariarengatik sentitzen duen maitasuna aitortuko du.
Bideoak (1)
Informazio gehiago (1)
Gaur gaueko 'Kontuz, Atsuak!' saioan, Maikrux eta Marikarmen maitasunaren munduan murgilduko dira, San Valentin eguna dela eta.
Iñaxio Perurenarekin Igeldoko Lourdes Txikira joango dira, eskean. Maikruxek Carlos Garaikoetxeari buruz eskatuko dio, hura baita bere bihotzeko azukre koxkorra.
Kaixomaitia.com-eko bulegora ere joango dira. Bertako zuzendaria den Iñigo Arandairekin izango dira berriketan, eta azkenean, Maikruxek izena emango du bikotea bilatzeko web honetan.
San Valentin egunean, loradenda batera ere joan beharko dira atsuak, Zizurkilgo Garazira, Maikruxek zita lortu baitu. Eta ondoan lagun, Maite Eskarmendi eramango dute Atsuek, zer lora aukeratu erabaki ahal izateko.
Pello Zabalarekin ere izango dira, noski, eta Maikruxek Carlos Garaikoetxearekiko maitasuna bedeinkatzeko eskatuko dio. Baina Garaikoetxea ezkonduta dagenez, komeriak izango dituztek oraingo honetan Gure Pellorekin!!
'Kontuz, Atsuak!' gaur gauean emitituko da 21:30etik aurrera ETB-1en.
