telebista
Gaur
Real Union-Real Sociedad, zuzenean, ETB-1en eta eitb.com-en
A.A.
EITB
Lagun Aro GBC-Assignia Manresa saskibaloi partida, Strade Bianche lasterketa eta Munduko Pala Txapelketako finala ere zuzenean emango dira.
ETB-1ek eta eitb.com-ek zuzeneko hiru kirol emanaldi dakartzate gaur. Ohi denez, Bigarren B Mailako futbolaren tartea zabalduko du arratsaldeko bostetan. Real Union eta Real Sociedad taldeen arteko norgehiagokaren berri emango dute Xabier Anduezak, Juanan Larrañagak eta Joseba Urkiolak.
Aurretik, 14:45ean, txirrindularitza izango da ikusgai. Strade Bianche lasterketaren kontakizuna egingo dute Fermin Aramendik eta Xabier Usabiagak.
19:15ean, Endesa Ligako Lagun Aro GBC-Assignia Manresa partida eskainiko da, Asier Aranguren, Josean Aldalur eta Juan de la Vegaren eskutik.
Bestalde, futbol jardunaldiaren errepasoa egingo du Txemi Galarragak "Gol Festa" saioan 21:00etatik aurrera. Osasuna-Athletic euskal derbiari arreta berezia eskainiko diote.
Pala eta areto futbola ETBKn
ETBKn, 17:00etan, Munduko Pala Txapelketako finalaren zuzeneko kontakizuna egingo du Iñigo Aiestaranek eta Iñigo Oiartzabalek Donostiako Carmelo Balda pilotalekutik. Fustok eta Larrinagak, Gaubekaren eta Aierberen kontra jokatuko dute.
Azkenik, 18:15ean, Marfil Santa Coloma-Arenas Galdar areto futbol partida eskainiko da. Xabier Anduezak egingo ditu esatari lanak, Juanma Ordozgoiti aditua lagun duela.
