Leon eta Jose Luis Korta, 'El Conquis 2013' saioko protagonistak

Patxi Alonsok "Korta Gaua" izango du gaur "El Conquis 2013" eztabaida saioko platoan. Saio berezian, Guanacos taldeko kapitainaren nondik norakoak aztertuko dituzte, eta batez ere "El Conquistador del Fin del Mundo" saioaren datorren atalean gertatuko denaz hitz egingo dute; izan ere, Kortak berriz egingo du eztanda. Horren inguruan aritzeko, Mikel Goñi eta David Seco Kortaren aldeko solaskideak izango dira "El Conquis 2013", saioan, baita Manu Maritxalar eta Julen Madina Kortaren kontrako kapitain ohiak ere. Joan sen astean min hartuta saioa utzi zuen Oiane getxotarra ere Patxi Alonsorekin izango da, lehen mailako lekukotasuna emateko. Eta Yerai ere Kortaz arituko da. Joan den urteko edizioan bere taldean izan zen, eta kapitainari aurre eman zion. Ondorioz, Kortak negarrez alde egin zuen.

Beste gai garrantzitsu bat ere landuko dute asteazkeneko saioan. Izan ere, Blanca Fernandez Ochoaren Pumas taldeak Leon galdu du, taldekide indartsuenetakoa. Onik aterako ote dira Pumas taldekoak Leon gabe? Munduko borroka-arte txapelduna izandako lehiakidea platoan izango da bere abenturaren nondik norakoak azaltzen. Ixaren aurka galdutako dueluaz ere arituko da Leon.

Horrez gain, eztabaida-saioa gori-gorian izango da, raftingaren immunitate proba polemikoan gertatutakoa aztertuko baitute. Azkenean antolakuntzak Guanacos taldeari eman zion garaipena, saiotik alde egingo zutela esan bazuten ere. Kiroltasunez jokatu zuten berdeek? Zuzenak al dira Cóndores eta Pumas taldeek egindako erreklamazioak?

Hainbat galdera izango dira argitzeko asteazkenean "El Conquis 2013" eztabaida-saioan. Aurrez emititu gabeko bideoak, esklusibak, bideo historikoak eta ezusteko gonbidatuak izango dira.

"El Conquis 2013" asteazkenetan, 22:30ean, emititzen dute "Teleberri"aren ostean Euskal Telebistaren bigaren katean.