telebista
Txirrindularitza
Romandiako Itzulia, asteartetik aurrera ETB-1en eta eitb.com-en
A.A.
EiTB
Alfontso Arroiok eta Xabier Usabiagak egingo dute zuzeneko kontakizuna egunero.
Asteartetik igandera bitartean jokatuko den Romandiako Itzulia zuzenean izango da ikusgai ETB-1en eta eitb.com-en. Alfontso Arroiok eta Xabier Usabiagak egingo dute kontakizuna. Egunero 16:15ean egingo dute bat etaparekin, azken jardunaldian izan ezik; igandeko emankizuna 13:45ean hasiko baita.
Bi erlojupeko izango ditu aurtengo Romandiako Itzuliak: atarikoa, Le Chable eta Bruson arteko 7,45 kilometroko ibilbidea, eta azkena, Genevan jokatuko den 18,6 kilometroko proba. Larunbatean etapa nagusia jokatuko da: 188 kilometro egin beharko dituzte txirrindulariek, eta Les Mosses (lehen maila), Morgins (lehen maila), La Croix (lehen maila), eta Les Diablerets gainditu.
