Floyd Mayweather protagonista, 'Boxeo Izarrak' saioan

Floyd Mayweather gaur egungo boxeolaririk onenaren berragerpena dela eta, bere azken borrokaldia gogoratuz hasiko dute gaur gaueko 'Boxeo Izarrak' saioa. Ondoren, bere hurrengo aurkariaren neurketa bat eskainiko dute: Andre Berto eta Robert Guerreroren arteko norgehiagokaren irabazlea izango baita asteburu honetan Mayweatheren aurka boxeatuko duena. Berto zazpi aldiz izan da munduko txapeldun eta Guerrero zortzi bider. Norgehiagoka hau 'urteko borrokaldirik onena' izateko zerrendan sartu zuten.

Emanaldia bukatzeko, luma pisuko munduko txapelketa bat ere eskainiko dute: Daniel Ponce de Leon eta Johnny Gonzalezen artekoa.

'Boxeo Izarrak', 00:15etik aurrera ETB-1en.