telebista
Gaur
Josu Erkorekarekin elkarrizketa, 'Egun On Euskadi'n eta 'ETB Hoy'n
A.A.
EiTB
'Entrada Libre' saioan, berriz, Delorean taldeko bi kide izango dituzte.
-
Josu Erkoreka
Josu Erkoreka Eusko Jaurlaritzako bozeramaile eta Administrazio eta Justizia sailburua hartuko dute gonbidatu 'Egun On Euskadi' (ETB1, 08:00) eta 'ETB Hoy' (ETB2, 12:30) albistegietako elkarrizketa tarteetan. Aktualitateak dakartzan berri nagusien inguruan galdetuko diote Estepan Aldamiz-Etxebarriak eta Olaia Urtiagak. Bestalde, Garbiñe Biurrun, Niko Moreno eta Jose Luis Elorza bilduko dira ETB1eko solas-mahaira.
Delorean taldea 'Entrada Libre' saioan
Bestalde, 'Entrada Libre' saioan Delorean taldeko bi kide hartuko ditu gonbidatu Vanessa Sanchezek: Ekhi Lopetegi eta Igor Escudero. Disko berria dute kalean zarauztarrek, Apar, eta horren inguruan mintzatuko dira 12etatik aurrera ETB2n.
