telebista
Kirol emanaldia
Sabadell-Eibar, zuzenean ETB1en
A.H.
EITB
Horrez gain, Bermeoko Ikurrina eskainiko da zuzenean, San Miguel Ligako hamazortzigarren jardunaldia.
-
Jokalariak azkenengo partidan sartutako gola ospatzen. Argazkia: EiTB
Larunbat honetan, Sabadell eta Eibar taldeen arteko Bigarren Mailako partida eskainiko du ETB1ek arratsaldeko 20:00etik aurrera. Naxari Altunak eta Juanan Larrañagak egingo dute partidaren gaineko kontakizuna zuzenean.
Arratsaldeko 18:00etan, Bermeoko Ikurrinarekin bat egingo dute ETB1eko kamerek zuzenean. San Miguel Ligako hamazortzigarren jardunaldiaren berri emango dute Mikel Olazabalek, Ibon Gaztañazpik eta Amane Ibañezek.
3 Formula eta Erremontea ETBKn
ETBK kateak, bere aldetik, automobilismoari tartea egingo dio 3 Formulako Belgikako Saria eskaintzeko. Gerardo Puentek egingo du kontakizuna arratsaldeko 17:30etik aurrera.
Horrez gain, Ezkurra-Agirrezabala eta Juaristi-Barrenetxea IV bikoteen arteko erremonte partida eskainiko du 20:30ean. Hernanin irailak 7an jokatutako partida da eta kasu honetan, Iñigo Aiestaran eta Iñaki Agirrezabala Matxin izango dira emanaldiaren arduradunak.
Amaitzeko, bezperan izandako Donostiako zaldi lasterketen (hamabigarren jardunaldia) laburpena eskainiko du Imanol Arrutik arratsaldeko 19:00etan.
