'Destination EH' saio berezia, gaur, ETB1en

Gazteak antolatutako 'Destiantion EH' lehiaketak izandako arrakastaren ondoren, Euskal Telebistak gazteek aurkeztutako bideoen bilduma eskainiko du gaur, 15:00etan.

Goizeko 'Dida' irratsaioko lagunek aurkeztuko dute tartea, eta jasotako bideo onenen sailkapena eskainiko dute, tartean, bi bideo irabazleak. Euskal Herria ezagutzeko aukera paregabea izango da, eskualde ezberdinetatik bidalitako bideoak jaso baitituzte.

'Destination EH' lehiaketaren bidez, oporraldia igarotzeko Euskal Herriko txokorik aproposenen bila ibili da Gaztea uda osoan zehar. Euskal Herriko mutur guztietatik, euren herrietako bideoak bidali dituzte gazteek. Horietatik bi izan dira irabazleak: Bidaina-Goiatzeko bideoak entzuleen saria jaso du, webgunean boto gehien jaso dituen bideoa izan baita, eta Lekeitio 3,2,1 bideoak, berriz, epaimahaiaren saria izan du.