telebista
11:30ean
WOP erakundeko Mikel Renteriari elkarrizketa, 'Entrada Libre'n
A.H.
EITB
'Egun On Euskadi' eta 'ETB Hoy' albistegietan, Galo Bilbao elkarrizketatuko dute.
Gaur goizean, Vanessa Sanchezek Mikel Renteria elkarrizketatuko du, Walk On Project (WOP) erakundearen sortzailea, 'Entrada Libre' saioan. Endekapenezko gaixotasun neurologikoen aldeko sentsibilizazioa eta ikerkuntza bultzatzen du erakundeak eta horretarako, hainbat ekimen antolatu dituzte. Besteak beste, Gomazko Ahateen I Estropada Solidarioa antolatu dute datorren iganderako. Bilboko itsasadarra plastikozko ahatetxoez beteko duen erlojupeko proba solidarioa izango da. Elkarrizketa horretan ekimen honi buruz galdetuko dio Vanessa Sanchezek, eta baita, fundazioaren lan egiteko moduaz arituko dira solasean. 'Entrada Libre' goizeko 11:30ean izango da ikusgai ETB2n.
Galo Bilbaori elkarrizketa
'Egun On Euskadi' eta 'ETB Hoy' albistegiek, bestalde, Galo Bilbao izango dute gonbidatu. Galo Bilbao Deustuko unibertsitateko irakaslea eta Glencree ekimeneko dinamizatzailea da.
