telebista
Zinema
'Etsai publikoak' filmaren estreinaldia, gaur gauean, ETB1en
Erredakzioa
Bilbo
ETB1ek Will Smith aktorea protagonista duen Tony Scott zuzendariaren filma estreinatuko du gaur, 22:15ean.
Bideoak (1)
Intriga eta akziozko thriller filma asteburu honetan ETB1en. 22:15etatik aurrera, Tony Scott zuzendariaren eta Will Smith aktorea protagonista dituen Etsai Publikoak pelikula emitituko da estreinakoz.
Robert Clayton Dean (Will Smith) Washington DC-ko abokatu ospetsu bat da, ezkonduta dago eta 8 urteko mutiko bat du. Egun batean bideo zinta bat jasotzen du eta bertan hilketa bat agertzen da. Momentu horretatik aurrera, bere etxetik alde egin beharko du Robertek eta ezkutuan mantendu. Abokatua lagunduko duen bakarra NSA-ko (National Security Agency) Brill izeneko ex agente bat izango da.
Pelikula honek mundu guztian zehar 250.000.000 dolar baino gehiago bildu zituen. Will Smithekin batera, Gene Hackman, Jon Voight, Lisa Bonet eta Regina King bezalako aktoreak daude.
Ez galdu 'Etsai publikoak' filma, gaur, 22:15ean ETB1en.
