telebista
Zinema
'El Castigador' filma, gaur, ETB2n
Jonathan Hensleigh zuzendariaren "El Castigador" ("The Punisher") filma eskainiko du ETB2k asteazkenean, 22:15ean. Thomas Jane da akziozko thriller honen protagonista, eta John Travolta azaltzen da.
Gaur gauean 'El castigador' filma emango dugu ETB2n, 22:15ean hasita.
Marvel Comicsen izen bereko pertsonaian dago oinarrituta El castigador (The Punisher) filma. Krimena eta mendekua dira akziozko thriller honen gai nagusiak.
Frank Castle (Thomas Jane) akatsik gabeko ibilbidea duen gizon bat da. Lehenik Delta Forces bezala aritu zen, eta ondoren FBIko kidea da. Erretiroa hartzea erabakiko du, baina lehenik azken lana egin behar du: drogen kontrako misio batean ezkutuan aritu beharko du. Lan horretan Saints familia ezagunaren (John Travolta eta Laura Harring) semeetako bat hilko da hutsegite baten ondorioz. Mendekua hartzea erabakiko dute Saintstarrek, eta horretarako Castleren familia hiltzea pentsatuko dute. Emaztea eta semea era basatian hilko dizkiote Franki, baina berak ere mendekua hartzea erabakiko du. Ondorioz, El castigador pertsonaian bihurtuko da.
