telebista
Kirol emanaldiak, gaur
Dinamo Sassari-Bilbao Basket, zuzenean, ETB1en eta eitb.com-en
A.H.
EITB
ETBk eta eitb.com-ek zuzenean eskainiko dute Dinamo Sassari-Bilbao Basket partida. Horrez gain, Manchester United eta Realaren arteko partidaren laburpena eskainiko du 'Gol Festa' bereziak.
Gaur, asteazkena, Dinamo Sassari eta Bilbao Basket taldeen arteko norgehiagoka eskainiko du Euskal Telebistak zuzenean, 20:30etik aurrera. Talde bizkaitarra Italiara joango da Eurokopako bigarren jardunaldia jokatzera, eta Asier Aranguren eta Josean Aldalur esatariek egingo dute partidaren gaineko kontakizuna ETB1en eta eitb.com-en.
'Gol Festa' berezia
Realak Manchester United taldearen kontra jokatuko du gaur Txapeldunen Ligako partida, Old Trafford estadio mitikoan, eta ETB1ek norgehiagokaren momenturik onenak bilduko ditu 'Gol Festa' saio berezian. Jon Elortzak eta Xabier Anduezak emango dute norgehiagokaren berri, 23:20tik aurrera.
