telebista
Gaur gauean
Krisitik ateratzen ari garen aztertuko dugu 'El Dilema' saioan
Erredakzioa
EiTB
Antton Perez Calleja, Nuria Lopez de Gereñu, Unai Sordo, Carlos Etxeberri eta Pedro Garcia Larragan izango dira solaskideak.
-
Krisia El Dilema
Krisitik ateratzen ari gara? Gaur gauean, 'El Dilema' saioan egingo duten galderetako bat izango da hori. ETB2n izango dugu erantzuna, 23:35ean hasita.
Azkenaldian, ekonomia munduko gero eta aditu gehiagori entzun izan diegu esaten krisitik ateratzen hasi garela eta positiboki begiratu behar dugula etorkizuna. Zein da gaur egungo benetako egoera?, Euskal Herrian ekonomiaren atzerakada nola ari da eragiten? Galdera hauei erantzuten saiatuko dira 'El Dilema' saioan. Horretarako luxuzko solaskideak hartuko dituzte platoan, besteak beste, Antton Perez Calleja ekonomialaria, Nuria Lopez de Gereñu Confebaskeko idazkari nagusia, Unai Sordo Euskadiko CCOOko idazkari nagusia eta Carlos Etxeberri eta Pedro Garcia Larragan kazetariak.
Gainera, Ignacio Marco Gardoqui analista ekonomikoa eta Caritas Bizkaia elkarteko ordezkari bat elkarrizketatuko dituzte.
