telebista
15 programatxo
'Aurrera' saioa estreinatuko da gaur ETB1en eta ETB2n
Krisi garaian hautabideak eskaintzen dituzten ekintzaileen egiazko esperientzia iradokitzaileak erakusten dituzte 15 mikroespaziotan.
Gaurtik aurrera, ETB 'Aurrera' programa hasiko da emititzen, 3 eta 4 minutu bitarteko 15 programatxo izango dituen saioa. Krisiaren aurrean gizarte dinamika positiboa sorraraztea da bere helburua.
Programa asteburu guztietan emitituko da, eguerdiko eta gaueko informatiboen ostean, ETB1en zein ETB2n, eta hobetze esperientzien bozgorailu bihurtu nahiko du. Egiazkoak, baina batez ere, iradokitzaileak diren esperientziak; zailtasunak izan arren, protagonistek euren ekimenak aurrera ateratzeko izan duten sormenezko jarrerarengatik.
Tarte berri honetan hainbat testigantza azalduko dira. Alde batetik, Musika Parkean ekimenaren sustatzaileen. Haiek proposatzen dutena da inguruan ditugun aire zabaleko guneei herrira bideratutako erabilera ematea. Bestalde, Wave Garden enpresa ezagutuko dute. Surfa egiteko olatu artifizialik luzeena sortzea lortu dute.
Esperientzia berritzaile bezain ikusgarriak ere bilduko dituzte sepertuma.es webgunearena eta Denbora Bankuarena, besteak beste. Etxeen trukaketa bultzatu nahi duen ekimena eta, zereginak trukatzeko sare soziala dira, hurrenez hurren.
ETBren zerbitzu publikoaren izaerari jarraiki, saio hauetan ekimen eta proiektu horien eta gehiagoren sustatzaileei elkarrizketak egingo dizkiete.
