telebista
Elkarrizketak
Aitor Estebanekin elkarrizketa, 'Egun On Euskadi'n eta 'ETB Hoy'n
A.H.
EITB
Vanessa Sanchezen 'Entrada Libre' saioan Euskalgym gimnasia erakustaldia izango dute hizpide.
Aitor Esteban EAJk Kongresuan duen bozeramailea 'Egun On Euskadi' eta 'ETB Hoy' albistegietan izango da gonbidatu. ETB1en, Estepan Aldamiz-Etxebarriak egingo dio elkarrizketa, eta, gainera, Eider Mendoza, Jaime Tapia eta Mikel Arana bilduko ditu solasaldi mahaiaren inguruan. ETB2n, Olaia Urtiagak egun-eguneko gai politikoen inguruan galdetuko dio euskal diputatuari, eta, ondoren, Adela Gonzalezek gidatuko duen magazinak eguneko albiste nabarmenenak komentatuko ditu.
Euskalgym, 'Entrada Libre'n
Bestalde, Vanessa Sanchezek goi mailako bi gimnasta elkarrizketatuko ditu 'Entrada Libre' saioan: Igone Arribas, gimnasta olinpiko ohi eta entrenatzailea, eta Saioa Aguirre, Espainiako txapelduna. Asteburu honetan ospatuko den Euskalgym erakustaldiaz arituko dira.
