telebista
Asteazkenean
Marian Beitialarrangoitia, 'Egun On Euskadi'n eta 'ETB Hoy'n
A.A.
EiTB
'Entrada Libre' saioan alkoholismoaz eta bestelako dependentziez arituko dira.
-
Marian Beitialarrangoitia. Foto: EITB
Marian Beitialarrangoitia EH Bilduko legebiltzarkidea elkarrizketatuko dute asteazkenean Euskal Telebistako goizeko albistegietan.
Estepan Aldamiz-Etxebarriak gidatutako 'Egun On Euskadi' saioa goizeko 8:00etatik aurrera izango da ikusgai ETB1en. Hiru solaskide izan ohi ditu lagun mahaiaren bueltan, eta asteazkenekoak Luismi Uharte, Niko Moreno eta Mikel Arana izango dira.
Olaia Urtiagak aurkeztutako 'ETB Hoy' saioa 12:00etan hasiko da. Elkarrizketaren ostean, Adela Gonzalezek hartuko du lekukoa, aktualitatearen errepasoa egiteko.
Alkoholaren dependentziaz, 'Entrada Libre' saioan
Vicente Fernandez Sasoia elkarteko medikua hartuko du gonbidatu Vanessa Sanchezek 'Entrada Libre' saioan. Alkoholaren eta etxean pairatu ohi diren bestelako dependentzien inguruan mintzatuko da Fernandez ETB2ko saioan 11:30etik aurrera.
