'LND'k Kennedyren hilketaren irudi argitaragabeak eskainiko ditu

"La Noche De..." saioak Ahora o nunca film dibertigarria eta hunkigarria eskainiko du gaur gauean, 22:15ean. Filmak minbizia duten bi gaixo terminalen historia kontatzen du. Morgan Freeman eta Jack Nicholson dira protagonista nagusiak, eta, berandu izan aurretik, beti desiatu dituzten gauzak egiteko bidaia hastea erabakiko dute. Saioak pelikularen eta protagonisten xehetasunak emango ditu.

Ostiral honetan Kennedy hil zutela 50 urte beteko dira. Hilketa mundu osoan da ezaguna, baina astearte honetan "La Noche De..." harago joango da eta Kennedy hil zuteneko irudi argitaragabeak eskainiko ditu, CSI Hollywood atalean.

Halaber, "La Noche De..." saioak Meg Ryan aktorearen transformazio ikaragarria aztertuko du. Komedia erromantikoaren erregina izatetik botoxaren zale amorratua izatera pasatu zen. Zer gertatu zitzaion horrelako transformazioa izateko?

Bukatzeko, askotan zinema kritikariek "larrutu" dituzten film batzuk denborarekin maisulantzat hartu izan direla ere ikusiko dugu Los críticos también se equivocan atalean.

"La Noche de ... Ahora o nunca" 22:15ean izango dugu ikusgai, ETB2n.