Makina-erremintaren egoeraz, 'Egun On Euskadi'n eta 'ETB Hoy'n

Xabier Ortueta makina-erreminta fabrikatzaileen elkarteko zuzendari nagusia elkarrizketatuko dute gaur 'Egun On Euskadi' eta 'ETB Hoy' albistegietan. Estepan Aldamiz-Etxebarriak gidatzen duen ETB1eko saioan, gainera, Roberto Uriarte, Oscar Rodriguez eta Garbiñe Biurrun kolaboratzaileek ere hartuko dute parte.

ETB2n, gonbidatuak makina-erreminta sektorearen egoera aztertuko du Olaia Urtiagarekin, eta ondoren, Adela Gonzalezek aurkeztutako saioak eguneko albiste nabarmenenak aztertuko ditu.

Concha Velasco 'Entrada Libre'n

Vanessa Sanchezek Concha Velasco elkarrizketatuko du 'Entrada Libre' saioan. Aktorea aste honetan arituko da Bilboko Arriaga antzokian Hécuba antzezlana aurkezten. Euripidesek idatzitako tragedia da, eta bere semeen hilketaren ondoren ama batek hartzen duen mendekua kontatzen du.