telebista
Gaur arratsaldean
Olentzeroren etorrera, Bilbotik zuzenean, ETB eta eitb.com-en
A.E.
EiTB
Gaur arratsaldean Olentzeroren etorrera eskainiko dugu ETB1en eta eitb.com-en zuzenean. Andoni Mutiloak emango du ekitaldiaren berri eta Joseba Olagaraik egindo ditu kaleko elkarrizketak.
Gabon Gauaren bezperan honetan, ETB1ek Olentzeroren etorrera eskainiko du Bilbotik, "Euskal Herria Zuzenean" saioaren barruan, 19:00etatik aurrera. Olentzeroren etorrera eitb.com-en ere zuzenean jarraitu ahal izango duzue. Andoni Mutiloak emango du Olentzerok Bilboko kaleetatik barrena egingo duen txangoaren berri, eta Joseba Olagarai "Euskal Herria Zuzenean"eko kazetariak Olentzeroren zain dauden haurrei galderak egingo dizkie.
Olentzero Moyua Plazan agertuko da, handik Gran Via zeharkatu, Plaza Biribila pasa eta Nafarroa kaletik barrena Arriagako enparantzaraino jaitsiko da. Zurezko hiru karrok osotuko dute Olentzeroren kalejiraren zati nagusia. Zurezko trizikloa, Olentzerok diseinatutako azken oparia, Basajaunak gidatuko du oraingo honetan.
