telebista
21:20ean
Korrontzi taldearen emanaldia, gaur gauean, ETB1en
A.A:
EiTB
Azaroaren 8an Basauriko Social antzokian grabatutako kontzertua izango da ikusgai.
'Korrontzi. Tradition 2.1' emanaldi berezia eskainiko du ETB1ek gaur gauean, 21:20etik aurrera. Iragan azaroaren 8an Basauriko Social antzokian grabatutako kontzertuan hainbat musikari lagunen babesa izan zuten mungiarrek: Mikel Markez, Mikel Urdangarin, Alex Sardui, Jesus Cifuentes, Liron Man, Ibon Koteron eta Garikoitz Mendizabal. Halaber, Villabonako Oinkari dantza taldeak eta Basauriko Koralak hartu zuten parte ikuskizunean.
Tradition 2.1 Korrontzi taldearen laugarren diskoa da. Trikitia ardatz hartuta, munduko hainbat txokotako doinu eta erritmoak bildu dituzte 16 abestitan. Basaurikoa aurkezpen birako lehen kontzertua izan zen.
