telebista
Zuzenean
Athletic B-Real Sociedad B eta Cajasol-Gipuzkoa Basket, gaur
A.A.
EiTB
Zuzeneko bi kirol emanaldi osatuko dituzte ETB1ek eta eitb.com-ek gaur: Athletic B-Real Sociedad B eta Cajasol-Gipuzkoa Basket.
Zuzeneko bi kirol emanaldi eskainiko dira ETB1en eta eitb.com-en gaur. 17:00etan hasita Bigarren B Mailako Athletic B-Real Sociedad B partida eskainiko da Lezamatik, Xabier Andueza, Juanan Larrañaga eta Joseba Urkiola esatari direla. 19:15ean, berriz, Endesa Ligari tarte eginez, Cajasol-Gipuzkoa Basket neurketaren berri emango dute Xabier de la Fuentek eta Josean Aldalurrek.
Bestalde, 12:00etan, ETBKn, bezperan jokatutako Aretako pilota torneoko finalak izango dira ikusgai, Iñigo Aiestaranen kontakizunarekin.
Amaitzeko, Jon Elortzak futbol jardunaldiaren errepasoa egingo du 'Gol Festa' saioan 21:00etan.
