'Euskadi Movie'ren umorearen arrakasta, ordutegi nagusian

ETB2ko 'Euskadi Movie' saioren atal berriak arrakasta handia izan zuen osteguneko estreinaldian, %10,5eko audientzia zatia eskuratuz ordutegi nagusian. 'Vaya Semanita' taldearen eskutik, egun-eguneko gai eta pertsonaiak izan ziren saioaren funtsa, umorearen ildotik. Javier Garcia de Vicuñak zuzendutako saioak 214.000 ikus-entzuleko audientzia metatua izan zuen Euskadin eta eragin eremuan.

Ondoren emititu zen Iker Galartzaren saio bereziak ere harrera ona izan zuen Euskadin. Aktore gipuzkoarraren ibilbideko esketx onenen bildumak %10,6ko audientzia lortu zuen. 210.000 ikus-entzulek egin zuten bat saiorekin emanaldiaren uneren batean Euskadin eta eragin eremuan.