telebista
Gaur, ETB2n
Cupidok Infantaren defentsan testigantza emango du 'Euskadi Movie'n
A.H.
EITB
Horrez gainera, Jose Luis Bilbao Clint Eastwood bilakatuko dela ikusiko dugu, San Mamesen Espainiako selekzioak jokatu nahi dutenei harrera egiteko.
-
Euskadi Movie
Gaur gauean, 'Euskadi Movie' saioaren sketch berriak ikusiko ditugu ETB2n. Oraingoan, Cupido Cristina Infantaren alde testigantza ematen ikusiko dugu edota
Noos kasuko testigantza berrienen eta harrigarrienen berri izango dute ikusleek ostegun gauean. Cupido deitu du epaileak Cristina Infantari buruzko egiak jakiteko. Maitasunak eraginda egin ote zuen egindakoa? Bere abokatuek hala diote.
Bestalde, Jose Luis Bilbao Bizkaiko diputatu nagusia Clint Eastwooden pare jarrita ikusiko dugu. Espainiako futbol selekzioak San Mamesen jokatu behar duela defendatzen dutenei aurre egiteko prest izango da diputatu nagusia.
Azkenik, Hernaniko eta Valladolideko familien beste pasarte bat ere ikusiko dugu. Oraingoan hileta batean topatuko dute elkar eta, ziurrenik, betiko antzera bukatuko dute.
'Euskadi Movie' 22:15ean emitituko da, gaur gauean, ETB2n eta eitb.com-en.
