telebista
Gaur
Real Union-Sestao eta Laboral Kutxa-Real Madril, ETB1 eta eitb.com-en
A.A.
EiTB
Real Union-Sestao bigarren B Mailako futbol partida 17:00etan; eta Endesa Ligako jardunaldi berria, Laboral Kutxa-Real Madril neurketarekin, 19:15ean.
Larunbat honetan, arratsaldeko 15:45ean hasiko dira kirol emankizunak ETB1en, goma gaineko sokatira txapelketako (600 kg.) finalarekin. Hilaren 8an Bilbon jokatutako demaren berri emango dute Juanan Legorburuk eta J.L. Garaiarrek.
17:00etan, 'Zilarrezko Futbola' tartea zabalduko dute, Bigarren Mailako futbolari eskainia. Real Union eta Sestao taldeen arteko partida izango da ikusgai, Xabier Andueza, Juanan Larrañaga eta Joseba Urkiolaren kontakizunarekin.
Azkenik, 19:15ean, Endesa Ligako 19. jardunaldiko Laboral Kutxa-Real Madril neurketa eskainiko da. Xabier de la Fuente, Josean Aldalur eta Juan de la Vega zuzenean arituko zaizkigu Gasteizko Buesa Arenatik.
Futbola eta saskibaloia eitb.com-en ere jarraitu ahal izango dira streaming bidez.
Bestalde, 21:00etan futbol jardunaldiaren errepasoa egingo du Jon Elortzak ETB1eko 'Gol Festa' saioan.
