telebista
Gaur
Maiorga Ramirezi elkarrizketa, ETBko goizeko albistegietan
A.A.
EiTB
"Egun On Euskadi" eta "ETB Hoy" saioetan elkarrizketatuko dute Maiorga Ramirez. "Entrada Libre" saioan Gurutze Beitia eta Loli Astoreka aktoreak izango dituzte gonbidatu.
-
Maiorga Ramirez
Nafarroan bizi den krisi politikoaren azken ordua aztertze aldera, Maiorga Ramirez Eusko Alkartasuneko Nafarroako buruzagiaren ikuspuntua ezagutzeko aukera izango da gaur ETBko goizeko albistegietan. Estepan Aldamiz-Etxebarriaren galderak erantzungo ditu ETB1eko "Egun On Euskadi" saioan, goizeko 8etan, eta Olaia Urtiagarenak ETB2ko "ETB Hoy"n, 11:45ean. Bestalde, ETB1eko solas-mahaian Mikel Arana, Felix Iriarte eta Esteban Antxustegi bilduko dira.
Gurutze Beita eta Loli Astoreka, 'Entrada Libre'n
Vanessa Sanchezek kultur eta gizarte gaiak jorratzen ditu "Entrada Libre" saioan, astelehenetik ostiralera, 11:15ean, ETB2n. Gurutze Beitia eta Loli Astoreka aktoreekin izango da oraingoan, eskuartean duten El dúo de la africana proiektuaz hitz egiteko. Otsailaren 23ra bitartean Arriaga antzokian eskainiko dute zarzuela lan hau.
