telebista
Gaur
Jonan Fernandezi elkarrizketa, 'Egun On Euskadi'n eta 'ETB Hoy'n
A.A.
EiTB
'Entrada Libre' saioan Gohar Manrique arkitekto gaztea izango dute gonbidatu.
Jonan Fernandez Eusko Jaurlaritzako Bake eta Elkarbizitzako idazkari nagusia elkarrizketatuko dute gaur ETB1eko 'Egun On Euskadi' (08:00) eta ETB2ko 'ETB Hoy' (11:45) albistegietan. ETAren desarmearen eta Euskadiko bakegintza prozesuaren azken ordua aztertuko dute berarekin Estepan Aldamiz-Etxebarriak eta Olaia Urtiagak.
Halaber, 'Egun On Euskadi'ko solas-mahaian Josu Alvarez, Tasio Erkizia, Iñaki Zarraoa eta Antton Karrera egongo dira.
Bestalde, Vanessa Sanchezek gidatzen duen 'Entrada Libre' saioan (ETB2, 11:15) Gohar Manrique arkitekto gaztea izango da gonbidatu. Londresen, Norman Fosterren estudioan, dihardu lanean.
