'ETA: Bukaerara bidean', gaur, ETB2n

‘ETA: Bukaerara bidean’ izenburupean, ‘El Dilema’ saioa berezia izango da ikusgai gaur gauean, ETB2n. ETAren armagabetze iragarpena eta  horren ondorioak aztertuko dituzte saio berezian.

Analisi eta iritzi saioak, Juan Carlos Etxebarriak gidatuta, hainbat politikari hartuko ditu gonbidatu: Joseba Egibar (EAJ), Pernando Barrena (Sortu), alderdi sozialistako kide bat eta Borja Semper (PP). Halaber, Iñaki Gonzalez, Lourdes Perez, Martxelo Otamendi eta Josean Izarra kazetariek ere hartuko dute parte asteleheneko saio berezian.

Halaber, ETAren historiaren inguruko erreportaje berezia ere izango da ikusgai. Talde armatuaren sorrera, inflexio puntuak, atentatu hunkigarrienetako batzuk eta 50 urteotan zehar izan diren bakerako aukera galduak errepasatuko dira. 2011ko urriaren 20an indarkeria behin betiko amaitutzat eman zuela iragarri zuenekoaz itxiko da erreportajea.

ETAren desarmearen inguruko 'El Dilema’ saio berezia, gaur, 22:15ean, ETB2n.