telebista
Aurrerapena
Hirukoteak arriskuan jarriko ditu Patxi eta Leon
Jaguareteek irabazi zuten kokoen jokoa eta David Secoren taldeko lehen izendatua Ari izan zen. Jakareek guaranien kanpamentuan zigortuta jarraitzen dute, eta badirudi Manuk amore eman duela.
Koatiak eta jakareak izan dira kokoen jokoan kaltetuenak, eta jaguareteek, berriz, irabazi egin dute. David Secoren koatiek itxuraz taldeko taldekide ahulena izendatzea erabaki zuten, eta Arik jaso zituen botorik gehien. Duelua jokatzetik libratzeko, gipuzkoarrak itxaron egin beharko du bigarren izendatua nor den jakiteko. Davidek taldekide sendo bat aukeratzen badu, duelua ez jokatzeko aukera gutxi izango ditu, baina koatien kapitaina edozein erabaki hartzeko gai da. Azken bileran Iñigo izan zen bere biktima, eta arriskuan ez dauden bakarrak, dirudienez, bere gogokoenak dira: Jorge eta bikiak.
Eneko, itzaleko kapitaina
Jakareek, bitartean, guaranien kanpamentuan zigortuta jarraitzen dute. Berdeak adorerik gabe daude. Badirudi Manuk amore eman duela, eta baliteke orain, taldea salbatzeko, itzaleko kapitaina agertzea; Eneko, hain zuzen ere. Egia esan, Metxak eta Dianak Enekorekin paktua egin dutela dirudi, lehiakide ohien taldean kaltedunak eurak ez izateko.
Leon eta Patxi gai izango ote dira taldeko hiru gazteenen maniobraren aurrean abileziaz erantzuteko? Gaur gauean argituko dugu 'El Conquistador del Fin del Mundo' saioan, 'Eguraldia' tartearen ostean, ETB2n.
