telebista
Gaur
Itxaso Atutxari elkarrizketa, ETBko goizeko albistegietan
A.A.
EiTB
'Entrada Libre' saioan 3 dimentsioko inprimagailuei buruz mintzatuko dira.
-
Itxaso Atutxa
Itxaso Atutxa BBBko presidentea hartuko dute gonbidatu gaur 'Egun On Euskadi' (ETB1, 08:00) eta 'ETB Hoy' (ETB2, 11:45) albistegietan. Aktualitate politikoak dakartzan gaiak aztertuko dituzte Atutxarekin Estepan Aldamiz-Etxebarriak eta Olaia Urtiagak. ETB1eko saioan Luismi Uharte, Iñaki Galdos eta Roberto Uriarte kolaboratzaileek ere hartuko dute parte.
Bestalde, Vanessa Sanchezek gidatzen duen 'Entrada Libre' saioan 3 dimentsioko inprimagailuak izango dituzte aztergai. Merkatura iraultza ekarri duten aparailu horiek egiten dituen Oiartzungo TuMaker enpresako arduraduna, Jon Bengoetxea, izango da gonbidatua. Berarekin batera, Enrique Rodal Radio Euskadiko kazetaria egongo da. Teknologia berrietan aditua da Rodal.
