telebista
Gaur
Binakako txapelketako partida, zuzenean, ETB1en eta eitb.com-en
A.H.
EITB
ETBK kateak Tirreno-Adriatiko lasterketaren hirugarren etaparekin bat egingo du zuzenean.
Gaur, Bergaran jokatuko den pilota jaialdia eskainiko du 'ETB Kantxa' saioak zuzenean. Jardunaldiko lehenengo partida Apezetxea-Rezusta eta Tainta-Mendizabal II bikoteen artekoa izango da, eta ondoren, lehenengo mailako binakako txapelketan, Saralegi-Ibai Zabala eta Ezkurdia-Zabaleta izango dira aurrez aurre. Xabier Euzkitzek, Joxan Tolosak eta Koldo Aldalurrek egingo dute kontakizuna zuzenean eitb.com-en eta ETB1en, 22:00etatik aurrera.
Tirreno-Adriatiko: 3. etapa
ETBK kateak eta eitb.com-ek Tirreno-Adriatiko lasterketaren hirugarren etaparekin bat egingo du 14:30etik aurrera. Cascina eta Arezzo udalerrien arteko 206 kilometroko ibilbidea izango du, eta Fermin Aramendi eta Xabier Usabiaga izango dira emanaldiaren arduradunak.
