telebista
Larunbatean
Real Union-Tudelano eta Alaves-Mirandes, ETB1en eta eitb.com-en
A.A.
EiTB
Tirreno-Adriatiko lasterketako 4. etapa ETBKn eta eitb.com-en jarraitu ahal izango da.
-
Real Unión
Futbolak eta txirrindularitzak osatuko dute larunbateko kirol eskaintza Euskal Telebistan eta eitb.com-en.
ETB1en, ohi denez, 'Zilarrezko Futbola' tartearen barruan, Bigarren Mailako bi partida emango dira: 16:00etan, Real Union-Tudelano, Xabier Anduezaren eta Juanan Larrañagaren kontakizunarekin; 18:00etan, Alaves-Mirandes, Naxari Altuna, Juanan Larrañaga eta Joseba Urkiola esatariekin.
ETBKn, Tirreno-Adriatiko txirrindularitza probaren 4. etaparen berri emango dute Fermin Aramendik eta Xabier Usabiagak 14:30etik aurrera. Ibilbide luze eta menditsua osatu beharko dute lasterkariek: 237 kilometro, Indicatoren hasi eta Cittarealen amaituko dena.
Hiru emanaldiak eitb.com-eko streamingaren bidez zuzenean jarraitu ahal izango dira.
Azkenik, Jon Elortzak aurkezten duen 'Gol Festa' saioak futbol laburpenak eskainiko ditu.
