Korta eta Juanito haserre, bikien laguntzagatik, 'El Conquis' saioan

Edizio honetako bateratze desiatua heldu aurretik, "El Conquistador del Fin del Mundo" saioan oraindik geratzen diren lehiakideak programako azken Inmunitate Jokoetako batean neurtu beharko dira. Programako une erabakigarri honetan, kanpo ez geratzen saiatuko dira lehiakideak jokoan.

Jaguareteek Inmunitate Jokoa ondo joan ahal izateko oso garrantzitsuak diren erabakiak hartu beharko dituzte; adibidez, larunbateko lehian taldeko liderra izateko aukeratuko duten kapitaina. Kortaren ordez Juanito aukeratzea giltzarri izan daiteke 'Chincada lokatzean' izeneko jokoan.

Koatien eta Jaguarete taldeetako neskak izango dira jokoan lehenak. Lurrean sartuta dagoen banderatxoraino iritsi beharko dira lehiakideak, enborrak aurrerantza bultzatuta. Kasu honetan, David Secoren taldeak abantaila izango du, Oliteko bikiek, pertsona bakarra balira bezala jokatzen dutenez, biek hartuko dutelako parte jokoan. Eta horren ondorioz, lehiakide bat gehiago arituko dira jokoaren zati honetan urdinen taldean.

Bigarren txandan, ordea, talde bakoitzeko mutilak arituko dira norgehiagoka. Koatiek soilik bi mutil dituzte taldean: Jorge eta Iñigo. Beraz, Jaguareteek taldeko mutilen artetik bi aukeratu beharko dituzte urdinen aurka aritzeko. Bi txandetan berdinketa lortuz gero, taldeek lehiakide guztiekin egingo dute aurrera.

Bikien kontua dela eta, antolatzaileek hartutako erabakiekin oso haserre azalduko dira Juanito eta Korta. Izan ere, bi neskek lehiakide bakarra bezala jokatu behar dutenez, biek hartzen dute parte jokoetan eta lehiakide bat gehiago ematen diote Koatien taldeari. Horrez gainera, antolatzaileek jokoetan bi taldeen partehartzaile kopurua berdinduta, orain arte kide guztiak mantenduz euren taldeak hartu duten abantaila zapuzten dute.

Ez galdu "El Conquistador del Fin del Mundo", larunbat eta igandeetan, 22:00etan, ETB2n.