telebista
APP-A
Jaitsi 'Conquistador' jokoa zure mugikorrera!
A.A.
Redacción
'El Conquistador del Fin del Mundo' saioak mugikorretarako joko bat aurkeztu du bere hamargarren urteurrena ospatzeko. iOS eta Android sistemetarako dago eskuragarri.
Informazio gehiago (1)
'El Conquistador del Fin del Mundo' saioaren hamargarren denboraldia da aurtengoa, eta, efemeride hori ospatzeko, mugikorretarako joko bat aurkeztu du. Argentinako abenturetan oinarritutako jokoa da, Conquistador du izena, eta iOS eta Android sistemetarako eskuragarri dago jada.
Conquistador duela urte batzuetako jokoen itxurako jolas dibertigarria da. Doakoa da eta mekanika erraz batean dago oinarrituta, baina abenturak aurrera egin ahala zailduz joaten da. Mugimendu bakar batekin pertsonaiari hainbat agindu eman ahal izango dizkio erabiltzaileak: salto egin, ibili, igo, jaitsi, gelditu eta aurkariari eraso. Helburua zailtasun guztiak gainditu eta ikurrina "munduaren amaierara" eramatea izango da.
Lehiakide eta kapitain asko pasatu dira urte hauetan guztietan ETB2ko saio honetatik, eta horiek izan dituzte inspirazio iturri joko honetako pertsonaiak egiteko: Juanito, Korta, Maritxalar, David Seco, Julen Madina…, eta baita Julian Iantzi bera ere. Pertsonaia hauetako bakoitza berezia da; beraz, adi ibili beharko du jokalariak bidaiaren amaierara iritsi ahal izateko.
Jokoan programan ikusi diren tokietan ibiliko dira jokalariak; Argentinako Misiones probintziako oihanean, Iguazu ur-jauzietan eta Patagonian, besteak beste.
Apple Store eta Google Play guneetan eskuragarri dago jada. Deskarga ezazu!
