telebista
Kirol emanaldiak
Osasuna-Bartzelona B, zuzenean, ETB1 eta eitb.eus-en
A.H.
EITB
Osasuna eta Bartzelona B taldeek jokatuko duten partida eskainiko dute ETB1ek eta eitb.eus webguneak. Aurretik, Nojako Ikurrina eskainiko da.
Gaur arratsaldean, Osasuna eta Bartzelona B taldeek jokatuko duten partida eskainiko dute ETB1ek eta eitb.eus webguneak. Bigarren mailako ligaren lehenengo jardunaldiko norgehiagoka izango da, eta Osasunak etxean jasoko du Bartzelonako taldea, arratsaldeko 19:00etan. Naxari Altuna kazetariak, Juan Antonio Larrañaga adituarekin batera egingo du partidaren gaineko kontakizuna, eta Iban Bengoetxeak protagonistei elkarrizketak egingo dizkie zelaian.
Aurretik, Nojako Ikurrina eskainiko da zuzenean. Mikel Olazabalek, Ibon Gaztañazpik eta Sara Gandarak egingo dute estropaden emanaldiaren kontakizuna zuzenean, 17:15etik aurrera, ETB1 eta eitb.eus-en.
