telebista
Zuzeneko emanaldia
Osteguneko Politika Orokorreko Osoko Bilkura, ETB1en eta eitb.eus-en
A.H.
EITB
'Egun On Euskadi' saioak Urkullu lehendakariaren jarduna jasoko du, eta Maddalen Iriartek gidatuko duen albistegi bereziak Eusko Legebiltzarreko arratsaldeko saioa eskainiko du.
-
Maddalen Iriarte aurkezlea
ETB1ek goizez eta arratsaldez eskainiko du gaur Eusko Legebiltzarrean egingo den Politika Orokorreko Osoko Bilkura. Goizean, 'Egun On Euskadi' albistegiak Iñigo Urkulluk Eusko Legebiltzarrean egingo duen jarduna eskainiko du zuzenean. Estepan Aldamiz-Etxebarriak Garbiñe Biurrun epailea, Joxe Mari Pastor kazetaria eta Mikel Arana izango ditu solaskide, lehendakariaren hitzaldia eta kurtso politiko berri honek ekarriko dituen erronka garrantzitsuenak aztertzeko.
Legebiltzarreko arratsaldeko saioan, talde politikoek hitz egingo dute, eta 14:30ean hasiko den albistegi bereziak zuzenean eskainiko ditu denen adierazpenak. Maddalen Iriarteren eskutik, Pilar Kaltzada kazetariak, Eider Alkorta politologoak eta Asier Blas politologo eta EHUko irakasleak bilkura osorik aztertu eta bertan esaten direnen analisia egingo dute.
Bai goizeko zein arratsaldeko emanaldiak zuzenean jarraitu ahal izango dira eitb.eus webgunean.
