Akzioz beteriko 'Firewall' filma, gaurko 'La Noche de…'n

Gaur gauean, 'La Noche de...' saioak Firewall filma eskainiko du. Akzioa eta suspensea oinarri dituen lan honek aktore zerrenda bikaina du: Harrison Ford eta Nikolaj Koster-Waldau, besteak beste. Felix Linaresek filmazioaren hainbat bitxikeria azalduko ditu, eta protagonisten ibilbidean murgilduko da pelikula eskaini aurretik.

Horrez gain, beste aktore ezagun baten ibilbidea aztertuko du 'La Noche de...' saioak: Leonardo DiCaprio. Aktoreak gaur ospatuko du 40. urtebetetzea, eta saioak horren ibilbidearen nondik norakoak eta aktoreak dituen zazpi gabeziak aireratuko ditu urtebetetzeko opari gisa.

Bestalde, Euskadi bisitatu dutenean, Hollywoodeko aktoreek izan dituzten istorio dibertigarriak kontatuko ditu 'La Noche de...'k Están entre nosotros atalean.

Amaitzeko, 'Twin Peaks' telesail famatuan lan egin zuen aktore baten hilketa misteriotsuaren xehetasun guztiak emango ditu CSI Hollywood atalak.

'La Noche de... Firewall' gaur izango da ikusgai, 22:30etik aurrera, ETB2n.