telebista
Gaur gauean
Bergarako pilota jaialdia, zuzenean, ETB1en eta eitb.eus-en
A.H.
EITB
Bi pilota partiden arteko atsedenaldian, Athletic-Espanyol neurketaren laburpena eskainiko da.
-
Julen Retegi. Argazkia: EiTB
Gaur gauean, Euskal Telebistako kamerak Bergarako pilotalekuan izango dira, bertako jaialdia zuzenean eskaintzeko gaueko hamarretatik aurrera. Hasteko, Mendizabal III-Urruzola eta Jaka-Larrinaga bikoteek jardunaldiko lehenengo partida jokatuko dute, eta, ondoren, Julen Retegi-Rezusta eta Ezkurdia-Merino II pilotariek jokatuko dute eguneko partida nagusia. Xabier Euzkitzek, Joxan Tolosak eta Ibon Gaztañazpik egingo dute emanaldiaren gaineko kontakizuna.
Bi partiden arteko atsedenaldian, 23:00ak inguruan, Athletic-Espanyol Lehen Mailako futbol ligako norgehiagokaren laburpena eskainiko da, Jon Elortzaren kontakizunarekin.
