telebista
22:30ean
Tim Burtonen 'Itzal Ilunak' filma, gaur gauean, ETB1en
I.A.
60ko hamarkadako telesail baten moldaketa honetan, komedia darabil Tim Burtonek pertsonaia oso berezien istorio bat kontatzeko.
Euskal Telebistaren lehen kateak Itzal Ilunak (Dark Shadows) beldurrezko komedia fantastikoa eskainiko du gaur gauean. Tim Burtonek zuzendutako pelikula honetako aktore batzuk hauek dira: Johnny Depp, Eva Green, Michelle Pfeiffer, Helena Bonham Carter, Chloë Grace Moretz eta Christopher Lee.
1752an, Collins senar-emazteak eta Barnabas semea Liverpooletik Amerikara joango dira, familiaren gainean dagoen madarikazio misteriotsutik ihesi. Urteek aurrera egin ahala, Barnabas (Johnny Depp) playboy lotsagabea oso gizon aberats eta boteretsu bihurtuko da. Angelique Bouchard (Eva Green) sorginari bihotza hautsiko dio, eta honek heriotza baino gogorragoa den zigor bat jarriko dio: banpiro bihurtuko du eta bizirik lurperatuko du. Bi mende geroago, 1972an, hilobitik ateratzea lortuko du Barnabasek, eta mundua guztiz ezberdina dela ikusiko du.
Ez ezazu galdu Itzal Ilunak filma, gaur, 22:30ean, ETB1en!
