Mendebalde Urrunean barrena, gaur gauean, 'El Mundo según LND' saioan

Gaur gauean, zinemak Mendebalde Urrunaren inguruan azaldu diren gezur eta egia guztiak argitzen saiatuko da 'El Mundo según LND' saioa. Horrez gain, Los profesionales pelikula eskainiko du. Zehaztasun historiko handiz eginiko pelikula da.

Euskal Telebista oso aditua da Mendebalde Urruneko zineman; izan ere, duela 16 urte Cine Western tartea eskaintzen hasi zenetik gaur egunera arte, 4.000 film baino gehiago eman ditu. Zinemak garai horretako alde ederrena erakutsi du, eta 'El Mundo según LND' saioak pistolariak, aurrez aurreko dueluak, jokorako saloi ospetsuak eta indioen kontrako borrokak benetan nolakoak izan ziren azalduko du.

Besteak beste, indioen kontrako lehen borroka irabazi zuen pistolaria euskalduna izan zela azalduko du Felix Linaresek. Mendebalde Urrunean izandako euskaldunen inguruan hainbat liburu idatzi dira, eta abentura sinesgaitzak azaltzen dituzte, egiazkoak gehienak. ¿Y los vascos qué? atalak abentura horien guztien berri emango du.

Amaitzeko, 'El Mundo según LND' saioak Burt Lancaster aktorea hartuko du protagonista. Los profesionales pelikulan, mertzenario talde bateko kidea da, eta iraultzaile mexikar batek bahitutako emakume baten bila abiatuko da. Saioak aktorearen ibilbide pertsonal eta profesionala errepasatuko du, El Mundo de Burt Lancaster atalean.

'El Mundo según LND' gaur gauean izango da ikusgai, 22:30etik aurrera, ETB2n.