Txirrindularitza eta pilota, ETB1en eta eitb.eus-en

Txirrindularitzari tartea egingo dio ETB1ek gaur. Fermin Aramendik eta Xabier Usabiagak Kataluniako Itzuliko 5. etaparen berri emango dute zuzenean, 15:50etik aurrera. Alp eta Valls lotuko dituen 197 kilometroko ibilbidea osatuko dute.

Bestalde, gauean, Lodosako pilota jaialdia izango da ikusgai, 22:00etatik aurrera, ETB1en. Rico IV-Apraiz eta Victor-Iturriaga bikoteen arteko partidarekin hasiko da, eta Olaizola II-Beroiz eta Urrutikoetxea-Begino izango dira jarraian aurrez aurre. Xabier Euzkitzek, Joxan Tolosak eta Elena Azpeitiak egingo dute kontakizuna.

Bi emanaldiak eitb.eus-en ere jarraitu ahal izango dira.