telebista
22:15ean
Paskali egia aitortuko dio Joellek, gaur gauean, 'Goenkale'n
L.A | EITB.EUS
EITB
Bere jatorria ezagutu nahi du Paskalek, eta aitaren gorpua hilobitik ateratzeko asmoa duela esango dio arrebari. Gainera, bere senarrak maitale bat duela aitortuko dio Izaskuni.
Informazio gehiago (2)
Gero eta etsai gehiago izaten ari da Paskal. Bere semearekin dituen arazoak muturreraino iritsi dira; izan ere, Landerrek etxetik alde egingo du. Bestalde, Paskalek bere ama biologikoa nor den edo nor izan zen jakin nahi du kosta ahala kosta, eta Arantzak ez dio jatorria ezagutzen lagundu nahi. Honek Paskal haserrearaziko du, eta bere aitaren gorpua lurpetik ateratzeko asmoa duela esango dio.
Joellek ere ama bilatzeko lanak albo batera utzi dituela sentituko du Paskalek; hala ere, neba-arreben artean bitartekari lanak egingo ditu, Paskalek izebari Arantzarekin zergatik dagoen haserre azaldu arte: Marta hiltzen utzi zuen Arantzak. Bere ama aurkitu nahi du Paskalek, eta Joelle estu hartu du. Azkenean, Joellek egia guztia esango dio.
Bestalde, Jagobak maitale bat duela jakin zuen Arantzak aurreko atalean, eta honek bere lagun minari, Izaskuni, aitortuko dio. Izaskunek ez du jakingo zer egin; are gutxiago, bere lagun eta nagusiak erne egoteko eskatzen dionean.
Ez galdu 'Goenkale'ren hurrengo atala, gaur, 22:15etik aurrera, ETB1en eta, zuzenean, eitb.eus-en.
