telebista
00:15ean
Kruzero pisuko borrokaldi bikainak, 'Boxeo Izarrak' saioan
EITB
Denis Levedev-Youri Kalenga eta Dmitry Kudyashov-Francisco Palacios neurketak izango dira ikusgai.
Gaur gaueko 'Boxeo Izarrak' saioak kruzero pisuko bi borrokaldi bikain eskainiko ditu. Hasteko, Denis Levedeven eta Youri Kalengaren arteko lehia eskainiko du, munduko txapela lortzeko borroka. Levedevek 26 borrokaldi irabazi ditu eta bakarra galdu du. Kalengak 21 garaipen lortu ditu eta bakarra galdu du. Neurketa parekatua, gogorra eta ikusgarria.
Bigarren neurketa ere kruzero pisukoa izango da. Boxeozaleek Dmitry Kudyashov errusiarra ezagutzeko aukera izango dute bertan. Mutil honek 16 borrokaldi egin ditu eta denak K.O. bidez irabazi. Kasu honetan, Francisco Palacios Puerto Ricoko boxeolaria izango du aurrez aurre.
Azkenik, pisu erdiastunean, Enrico Koelling alemaniarra eta Daniel Regi hungariarra arituko dira. Koellingek 15 neurketa egin ditu eta denetan nagusitu da.
'Boxeo Izarrak', 00:15etik aurrera, ETB1en.
