telebista
22:30ean
'Kill Bill. Vol 2', gaur gauean, 'La Noche de...'n
EiTB
Emanaldiaren aurretik, Bill pertsonaiaren papera egiteko hautagaiei buruz arituko dira, eta Clara Lago eta Dani Roviraren film berriari buruz arituko dira.
Iragan astean Kill Bill. Vol 1 filmarekin hasitako zinema emanaldi bikoitza osatzeko asmoarekin, 'Kill Bill'en historiaren bigarren atala eskainiko du 'La Noche de...'k gaur gauean. Oraingo honetan, David Carradine aktoreak egingo du Bill-en papera. Zenbait hautagai izan zituen Quentin Tarantino zuzendari eta gidoilariak pertsonaia hori egiteko, eta horien inguruan arituko da Felix Linares.
Modako bikoteaz ere mintzatuko da: Clara Lago eta Dani Rovirari buruz. Ocho apellidos vascos filmeko protagonistek komedia berri bat estreinatuko dute, eta abizenen kontuak arrakasta handia duenez, Todos los apellidos de Clara y Dani erreportajea eskainiko du 'LND'k.
Bestalde, Hollywoodeko izarren sekreturik intimoenak argitaratuko ditu ETB2ko saioak: hala nola, Tarantinoren fetitxismoak, Lauren Olivierrek egiten zituen hirukote sexualak, edo Katharine Hepburnen benetako gustuak.
Amaitzeko, zinearen historian entzun den elkarrizketa matxistena eskainiko du saioak Políticamente incorrecto atalean.
'La Noche de... Kill Bill. Vol 2', 22:30etik aurrera, ETB2n.
p>