telebista
Kirol emanaldiak
Biriatuko pilota jaialdia, gaur, ETB1en eta eitb.eus
EITB
Horrez gain, Bilboko Aste Nagusiko herri kirolen erakustaldia eta buruz buruko erremonte txapelketa eskainiko ditu Euskal Telebistak.
Gaur Bilboko Aste Nagusiko Herri Kirol erakustaldia eskainiko du ETB1ek, arratsaldeko 16:00etatik aurrera. Iñigo Aiestaranek eta Jose Etxebestek egingo dute zuzeneko emanaldiaren kontakizuna, eta eitb.eus-en ere izango da ikusgai.
Arratsaldeko 17:00etan ordea, Biriatuko pilota jaialdiarekin bat egingo dute Euskal Telebistako kamerek zuzenean. Hasteko, Aritz Lasa-Tolosa eta Jaka-Irusta bikoteen arteko partida eskainiko dute, eta ondoren, Xala-Merino II eta Altuna III-Rezusta bikoteen artekoa. Xabier Euzkitzek, Joxan Tolosak eta Elena Azpeitiak egingo dute emanaldiaren kontakizuna ETB1en eta eitb.eus-en.
Pilota, erremontea eta zesta, ETB4n
Arratsaldean, Hernaniko buruz buruko erremonte txapelketako finalaurreko ligaxka eskainiko dute, eta Urrizaren eta Urteagaren arteko partida izango da ikusgai, 19:30ean, Iñigo Aiestaran eta Iñaki Agirrezabala 'Matxin'en kontakizunarekin.
Amaitzeko, Hondarribian jokatutako den Euskal Herriko Zesta Txapelketa finala eskaini du ETB4k. Iñaki Osa Goikoetxea-Ibai Erkiga eta Diego Beaskoetxea-Ibon Aldazabal bikoteen arteko partida izango da, eta Iñigo Aiestaran eta Iñigo Gorostolak egingo dute kontakizuna, 20:30ean.
