telebista
22:30ean, ETB2n
'R3sacón' filmaren estreinaldia telebistan, gaurko 'La Noche de…'n
EiTB
Saioak, gainera, Back to the future II filmak iragarritako etorkizuna aztertuko du, eta gaur egungo 2015. urtea eta pelikulan ageri dena zertan bereizten diren aztertuko du.
'La Noche de...' saioak R3sacón filma estreinatuko du gaur telebistan. Resacón en Las Vegas sagaren hirugarren zatiak Bradley Cooper, Ed Helms eta Zach Galifianakis hirukote protagonistaren abentura ero eta dibertigarri berriak ekarriko ditu. Felix Linaresek pelikularen inguruko datu guztiak emango ditu filma eskaini aurretik.
Astearteko saioak, gainera, Mario Casas aktore ezagunaren neska-lagunen zerrenda errepasatuko du, eta aktoreak Alex de la Iglesiaren azken filmean egiten duen paper dibertigarria ekarriko du gogora.
Mario Casasen maitasun istorioak ezagutu, eta Hollywoodeko izarren istorioak azalduko ditu ondoren. Amores ciegos atal berriak izarren arteko bikoterik arraroenak eta harreman eta istorio zentzugabeak azalduko ditu, besteak beste, Tom Cruisen neska-lagun arraroenaren istorioa.
Amaitzeko, 'La Noche de...' saioak omenaldi dibertigarria eskainiko dio Back to the future II filmari. Izan ere, Michael J. Fox aktoreak etorkizunera bidaiatu zuenean 2015eko urriaren 21era egin zuen jauzi. Pelikulan iragartzen den etorkizuna auto eta patinete hegalariz beteta dago. Horrelakoa ote da gure gaur egungo denbora? Zertan bereizten dira gure gaur egungo denbora eta pelikulan iragarritako 2015. urtea?
'La Noche de... R3sacón', gaur, 22:30etik aurrera, ETB2n.
g>.