telebista
Zinemaren bitxikeriak
'Expediente Warren' filmaren estreinaldia, gaurko 'La Noche de...'n
EITB
22:30etik aurrera, Raphaelen bizitzaren sekretu guztiak aireratuko ditu, Alex de la Iglesiaren azkeneko pelikularen estreinaldia hizpide hartuta.
Gaur gauean, 'La Noche de...' saioak Expediente Warren pelikula estreinatuko du telebistan, benetako gertaeretan oinarritutako beldurrezko film izugarria. Bertan, Estatu Batuetako Ed eta Lorraine Warren parapsikologo bikote ospetsuak ikertutako kasuak azaltzen dira. Felix Linaresek benetan gertatutako fenomeno horien inguruko datu guztiak emango ditu filma eskaini aurretik.
Horrez gain, Jessica Albaren inguruko erreportaje dibertigarria eskainiko du saioak. Aktoreak komedia berria estreinatuko duela eta, edertasunari eusteko erabiltzen dituen trikimailuak emango ditu ezagutzera Los 7 secretos de belleza de Jessica Alba atalean.
Bestalde, ikus-entzuleen atalik gustukoenekoa eskainiko du 'La Noche de...' saioak: Gazapos de película. Aste honetan, gainera, azken urteetako telesailik ospetsuenean egindako akatsak azalduko ditu.
Amaitzeko, Mi gran Noche Alex de la Iglesia zinemagilearen azken lanaren estreinaldia hizpide hartuta, Raphael abeslariaren ibilbidea errepasatuko duen erreportaje interesgarria eskainiko du 'La Noche de...'k. Istorio harrigarri ugari ditu Raphaelen bizitzak, eta Felix Linaresek datu guztiak emango ditu Los Achivos Secretos de La Noche de... atalean.
'La Noche de... Expediente Warren' gaur gauean izango da ikusgai, 22:30etik aurrera, ETB2n eta eitb.eus-en.
.eus-en.