Amazonaseko lokatzean borrokatuko dira lehiakideak gaur gauean

Gauzak goitik behera aldatuko dira 'El Conquistador del Amazonas' saioan, 'tronkoalas' izeneko erronka ezagunaren ostean. Immunitatea lortzeko jokoan, lokatzean borrokatuko dira lehiakideak, eta triskantza itzela gertatuko da; lehian dauden hiru jaguarrak anakonden eta pirañen altxor bilakatuko dira.

Oratze, zartada, ukondokada eta erorikoak ikusiko ditugu jokoan zehar, eta, ondorioz, mediku-taldeak lan ugari izango du. Lokatzeko borrokaren ostean, zalantzan geratuko da zenbait partaidek aurrera jarraituko duten.

Olatz izango da asteleheneko saioan protagonistetako bat. Pirañen taldeko partaide gasteiztarrak saioa uzteko asmoa duela azalduko die taldekideei, eta, hori dela eta, Xabiren eta Peio Ruiz Cabestany kapitainaren errieta jasoko du.

'El Conquistador del Amazonas' astelehenero dago ikusgai, 22:30ean, ETB2n eta eitb.eus-en.