telebista
22:00etan
Aramako pilota jaialdia, gaur, ETB1en eta eitb.eus-en
A.A. | EiTB
Iker Irribarria buruz buruko txapeldunak bere herrian jokatuko du, Tolosa lagun duela, Altuna III-Rezusta bikotearen aurka.
Iker Irribarria buruz buruko txapeldunaren herrian, Araman, egingo den pilota jaialdia eskainiko du gaur gauean 'ETB Kantxa' saioak. Irribarriak bere herritarren omenaldia jasoko du bertan.
Irribarriak Xabier Tolosa izango du bikotekide, eta Jokin Altunaren eta Beñat Rezustaren aurka neurtuko ditu indarrak. Atariko neurketan, Gorka-Martija eta Mendizabal III-Erostarbe izango dira nor baino nor gehiago.
Xabier Euzkitzek, Joxan Tolosak eta Xabier Anduezak gidatuko dute emanaldia, 22:00etatik aurrera, ETB1en eta eitb.eus-en.
