telebista
Kirolak zuzenean
Athletic-Oviedo Moderno eta pilota Lodosatik, gaur, EiTBn
A.A. | EiTB
Futbola ETB4n eta eitb.eus-en 18:00etan eta pilota 17:30ean ETB1en eta eitb.eus-en.
Zuzeneko bi kirol emankizun izango dira larunbat arratsaldean Euskal Telebistan eta eitb.eus-en.
ETB1en, ohi denez, pilota izango da ikusgai. 'ETB Kantxa' saioak Lodosako pilota jaialdia eskainiko du 17:30etik aurrera. Lehendabizi, Lau T'erdiko Nafarroako Txapelketako final zortzirenetako norgehiagoka jokatuko da, Bengoetxea VI-Victor. Ondoren, Olaizola II-Iturriaga eta Artola-Untoria bikoteak izango dira aurrez aurre. Josetxo Lizartzak, Jokin Errastik eta Xabier Anduezak egingo dute kontakizuna.
ETB4n 'Oreka' tartea zabalduko dute 18:00etan futboleko Emakumeen Ligako Athletic-Oviedo Moderno partida eskaintzeko. Naxari Altuna, Juanan Larrañaga eta Sara Gandara izango dira esatariak.
Beste bi emanaldi bana izango dira ETB1en eta ETB4n larunbatean: ETB1en, 15:30ean, Gernikan jokatutako Euskadiko Fitness Txapelketa izango da ikusgai, Iñaki Mikeoren eta Omer Alvarezen kontakizunarekin. ETB4n, 12:00etan, Bizkaiko emakume pilotarien eguneko partiden berri emango du Iñigo Aiestaranek Xabier Santamaria lagun duela.
ia lagun duela.